Ururka Media Women networka ayaa tababbar ku saabsanaa badqabka digitaaka ah, kuna qabsoomay habka online-ka ah u qabtay 17 haween ah oo ka kala socday qaybaha kala duwan ee warbaahinta. Tababbarka oo ahaa hal maalin ayaa dhacay 22-Feb-2025.
Furitaanka tababbarka ayaa waxaa ka hadlay guddoomiyaha Media Women Network Fowzia Omar oo sheegtay mumiimadda ay leedahay in haweenka weriyeyaasha ah ay u badqabaan digital ahaan maadaama ay u nugul yihiin weerarrada uga imaan kara internet-ka iyo wixii la xiriira.
“Gabadha weriyaha ah waa inay taqaannaa sida ay u ilaalsan karto xogteeda gaarka iyo teeda shaqo si uu nolal maalmeedkeeda u noqdo mid si wanaagsan u socda”
Intii u socday tababbarka ayaa lagu baraya ka qaybgalayaasha mawduucyo dhawr ah oo faa’ido leh, sida hordhac ku saabsanaa digital safatiga, sida ugu fudud ee qofku ku ilaalin karo shaqooyinkiisa digitaalka, yaraynta xogaha aan muhiimka ahayn ee weriyeyaashu ku qortaan baraha bulshada, adkaynta qolalka ay ka isticmaalaan digitaalka ah sida emaillada iyo dhammaan baraha bulshada iyo sidii ay u samaysan lahaayeen qorashayaal amni ooo dhanka digitaalka iyo mawduucyo kale.
Ujoodooyinka barnaamijkan ayaa waxaa ka mid ahaa in haweenka weriyeyaasha ah ay fahmaan khatarta uga imaan karta dhanka digitaalka, yaraynta xogaha muhiimka ah ee lagu qoro baraha bulshada, in lagu dhiirigaliyo inay hadlaan haddii ay dhib uga yimaaddo dhanka digitaalka si loola xalliyo culayska soo wajaha iyo qodobbo kale.
Qaar ka mid ah ka qaybgalayaasha tababbarka ayaa nala wadaagay sheekooyin ku saabsan weerarada internet-ka oo ay la kulmeen saaxiibadooda ay shaqo wadaagta yihiin iyo kuwa kale.
Shukri Axmed Ismaciil oo ka tirsanayd ka qaybgalayaasha ayaa sheegtay in tababbarkan uu u ahaa fursad ay wax uga badalayso habka ay u isticmaali jirtay baraheeda bulshada. “ Waxaa jira barnaamij aan qabto oo aan si gaar ah ugu faafiyo barahayga bulshda, waxaan qorshaynayay in qof iga caawiya oo post-yada aan ku wareejiyo furayaasha akoonnada aan ku faafiyo barnaamijka laakiin hadda waan joojinayaa aniga oo ka bartay tabababbarka in cidna aan lagu aaminin shaqooyinkaaga muhiimka ah oo laga yaabo in qofka uuba kaala wareego guud ahaan dedaalki iyo qalabki aad isiticmaalaysay” ayay tiri Shukri.
Ustaad Mahad Jaamac Koronto oo ahaa macallinka tababbarkan ayaa haweenka la wadaagay xogo muhiim ahaa oo ku saabsanaa dhibaatooyinka ay la kulmaan haweenka weriyeyaasha ah marka ay noqoto dhanka dhigitaalka. Wuxuu la wadaadagy abab ay isticmaali karaan si uga badbaadaan wareerarada dhigitaalka ah.
U jeedooyinka tababbarka ayaa sidoo kale ka mid ahayd in gabdhaha lagu dhiiri galiyo inya haddii ay la kulmaan dhacdo dhanka digitaalka ah aysan qarsan oo ay la wadaagaan qof kale si loola xalliyo dhibka haysta ama familkooda.
Media Women Network ayaa ah mar walba u taagan caawinta iyo hormarinta haweenka weriyayaasha ah iyo guud ahaan warbaahinta, waxayna soo wadi doontaa tababbarrada dhanka badqabka dhigitaalka ah.
